ភ្នំពេញ៖ សៀវភៅ «គូព្រេងមិនព្រាត់» ដែលជារឿងពិតស្ដីពីជិវិតស្នេហារបស់នាយករដ្ឋមន្ត្រីកម្ពុជា សម្ដេចតេជោ ហ៊ុន សែន ដែលត្រូវបានសរសេរដោយសម្ដេចផ្ទាល់ ត្រូវបានដាក់ឱ្យទាញយកដោយសេរីនៅលើបណ្ដាញអ៊ិនធឺណែត បន្ទាប់ពីមានការសំណូមពរច្រើនពីពលរដ្ឋដែលប្រើប្រាស់បណ្ដាញសង្គមហ្វេសបុក។

សៀវភៅនេះមានកម្រាស់២៧ទំព័រ បានរៀបរាប់ពីដំណើរដើមទងដែលសម្ដេចតេជោ និងសម្ដេចកិត្តិព្រឹទ្ធបណ្ឌិតបានជួបគ្នានិងរៀបអាពាហ៍ពិពាហ៍ជាមួយគ្នា ការបែកគ្នាដោយសារសង្គ្រាម និងការពុះពារជាមួយគ្នារហូតមកដល់បច្ចុប្បន្ន។ សៀវភៅនេះមាន៣ភាសា ខ្មែរ អង់គ្លេស និងចិន។

សម្រាប់ភាសាខ្មែរអាចរកអានបាននៅតាមបណ្ណាល័យនានានៅកម្ពុជា ហើយសម្រាប់អ្នកដែលមិនទាន់បានអានអាចចូលទៅទាញយកតាមរយៈតំណភ្ជាប់នេះ https://bit.ly/3AFF4Ft (ជាភាសាខ្មែរ)។

សៀវភៅនេះត្រូវបានបោះពុម្ភជាភាសាខ្មែរចំនួន២ម៉ឺនច្បាប់ ភាសាអង់គ្លេសចំនួន៥ពាន់ច្បាប់ចែកជូនដោយមិនគិតថ្លៃ និងភាសាចិនចំនួន ១ ៥០០ច្បាប់ ដាក់លក់ក្នុងតម្លៃ១ក្បាល៥ដុល្លារ ហើយលុយដែលបានពីការលក់សៀវភៅនឹងត្រូវសម្ដេចតេជោយកទៅសាងសង់ផ្ទះជូនអតីតយុទ្ធជនរស់នៅ៕